估你唔到

你有冇試過發現自己阿媽原來都會識一d你以為佢唔識既野呢? 事源昨天回去拜年, 剛巧看到J2播緊日本片叫做星級大改造, 主角有織田裕二和柴咲幸, 我本身就好鍾意睇織田裕二的戲, 見到有佢做就望多兩眼, 點知阿媽係廚房出黎, 見到就問佢係唔係織田裕二, 嘩原來佢都知佢叫咩名咁厲害!

另外有一次出街, 講講下問佢知唔知早晨英文點講, 原來佢識喎, 咁再問下午安點講, 佢又識, 咁又問下佢晚安點講, 佢初初都唔知, 不過諗下諗下又講得出, 原來佢係聽到d看更, 護衛員同d外國住客講, 聽得多就識. 真係估佢唔到!