財神到

上回講到我地以前傳統唔派利是封, 但係反而會派財神畫像, 我相信大家都應該見過, 因為我地個財神都印左好多年, 而且d商舖通常都會貼出黎, 係上面寫初幾啓市. 講起呢個財神, 好似我地公司好耐之前曾經拍過一個廣告, 有一戶人家掛了我地的財神畫像在家中, 跟著由梁醒波扮的財神就由畫像化身成為真人, 同大家恭喜一番.

其實我地以前除左派財神畫像外, 仲有派一款好似叫何姑的女畫像, 當然大家都比較喜歡財神, 所以近年都冇再印何姑畫像了.

除了大家常見的畫像外, 我地另外有一款卷畫形式的財神, 好似用布做的, 但只會送客用的, 應該係大客戶先有的. 另外仲有一款係用硬咭紙做的, 就是相中這款, 我就比較喜歡這款, 冇咁老套, 平時只會送客用的, 但今年好好彩地得到一個, 可以順便裝飾一下屋企.