五星級酒店果然係唔同d

話說今次峇里的婚宴是在Ritz Carlton舉行, 嘩, 真係不得了, 可以免費去住五星級酒店 (因為主人家已訂了我們的房間), 仲係resort添, 我咁大個女都係第一次住resort, 雖然只會住兩晚 (跟住會轉移鎮地), 真係諗起都開心 (有點像要去參加梁朝偉劉嘉玲婚宴一樣的心情).
一落飛機就找的士去酒店 (後來才知道原來主人家有叫人去機場接我們啊!), 大概二十分鐘便到, 不過由見到酒店入口到到達大堂門口都有一段頗長的車程, 可想而知呢間酒店都幾大喎!

可能幾年前曾發生過爆炸事件, d酒店保安都有點嚴謹, 進入酒店前會先檢查一番車輛, 佢地會用鏡子照下車底有冇可疑物品, 又check下d行李咁, 重會係d行李貼上"checked by security"的字樣.
五星級真係五星級, 一落車就有人送上花環, 等check-in時又送上一杯清涼可口的果汁, 雖然d人手腳慢d, 但係都ok啦. 至於房間麻, 間真係正呀(除了有點兒舊), 不但大,仲有個露台, 因為我們的房間在地面那層, 所以可以從露台走出去對開的山坡, 還可以從那裏走到隔離的房間呢! 我們兩晚都有到那個露台看星星呢!（因為峇里不像香港那麼多空氣污染及光害, 所以晩上可以看到很多很多的星星)