雖然呢句係宣傳口號, 但係睇完無線同亞視由開幕以來頭兩日轉播來看, 無線都係高一班. 其中亞視最失敗的係d主持, 好似開幕時谷德昭,林曉峰等, 防死有冷場咁, 成日係度講廢話, 好鬼煩. 跟著再睇番無視既重播, 好好多.
另外亞視請來的評述員都冇無線咁專業, 無線真係會請一d個項比賽既教練如跳水的梁伯韜, 排球的雷sir, 或者係曾經參加過比賽的過氣運動員如洪菘蔭, 李啓鑒咁, d評述pro好多. 就算係唔關事的阿叻, 雖然有時都有d廢, 但係都唔太會令人討厭.
最後, 最重要係我屋企淨係收到亞視高清的11台, 但係無線就收到81,82,84,85台, 所以我都會睇奧運睇無線.
沒有留言:
張貼留言