逐個捉

唔知大家以前有冇睇過呢套電視劇呢? 我就記得細個時覺得套戲好恐怖, 淨係個片頭已經覺得係一套鬼片, 一間外貌陰森的大屋 (畫出來的), 大門慢慢打開, 忽然行雷閃電, 再黎一首生命交響曲, 跟著屋入面有槍聲, 裏面的人大叫, 然後出現石堅的樣, 又有人狼叫聲, 我估十個有八個小朋友都會有d驚. 而我都冇睇哂, 只係記得一班人係間大屋入面走唔到, 同埋有d恐怖既事發生咁.

不過最近無意間發現經典台重播, 睇下睇下原來一d都唔恐怖, 而且仲有d無聊同攪笑添! 故事講有班同娛樂圈有關既人受由石堅飾演既電影大亨邀請到一個獨島上的大屋, 呢班人各有目的, 有d想叫石堅比佢地做男女主角, 有d就想借錢拍戲, 但係石堅突然失縱, 而唯一的一首遊艇壞了, 大家被困在島上後發生的一連串怪事, 一d都唔係細個時想像中的恐怖. 不過唔講唔知, 套戲原來係杜琪峰拍的, 真係估唔到, 剛追完珠光寶氣, 再睇翻年輕時的李司棋真係幾靚!