公益便服日

今天又到公益便服日, 我未join現在呢間銀行前的那間本地銀行並没有參加公益便服日, 一到呢日就好羨慕其他人可以著便服返工, 所以我一直都好恨可以參加便服日, 直至我 join左呢間bank, 先可以參加, 所以我就將咁多年呢參加過的 sticker儲底留念.



不過呢間bank都幾出錢出力, 每年都會攪番個服飾大賽, 鼓勵各dept參加. 今年當然都唔例外, 我地就"行行地"咁決定用彩虹做主題, 穿上七種顏色的衫, 加上用氣球做的彩虹做道具. 但係睇番其他dept仲厲害, 有時光倒流著校服的, 有rap look的, 有唐裝的, 有halloween look的, 真係各出奇謀.